काठमाडौं, २५ साउन । नेपालमा थप २२ जनाको कोरोना संक्रमणका कारण मृत्यु भएको छ ।

स्वास्थ्य तथा जनसंख्या मन्त्रालयका अनुसार गत २४ घन्टामा देशभर २२ जनाको कोरोनाका कारण मृत्यु भएको हो । योसँगै नेपालमा कोरोनाका कारण मृत्यु हुनेको संख्या १० हजार १ सय १५  पुगेको छ ।

हाल देशभर सक्रिय संक्रमितको संख्या ३६ हजार २ सय ८८  रहेको छ । जसमा ३२ हजार ९ सय ७ जना होम आइसोलेसनमा छन् भने ३ हजार ३ सय ८१ जना संस्थागत आइसोलेसनमा भर्ना भएका छन् ।

यस्तै हाल देशभर रहेका सक्रिय संक्रमितमध्ये ८ सय ४१ जना आईसीयूमा उपचाररत छन् भने १ सय ८६ जना भेन्टिलेटरमा भर्ना भएका छन् ।

गत २४ घन्टामा देशभर १ लाख ४५ हजार ३०  जनाले कोरोनाविरुद्धको खोप लगाएका छन् भने हालसम्म कोरोनाको दुबै मात्रा खोप लगाउनेको संख्या ८१ लाख ३१ हजार ४ सय ८१ पुगेको छ ।

Hamro Doctor