नेपालमा गत २४ घन्टामा देशभर ३ हजार ६ सय ५१ जना कोरोना संक्रमित थपिए
काठमाडौँँ, २५ साउन । गत २४ घन्टामा देशभर थप ३ हजार ६ सय ५१ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर १६ हजार ५ सय ९४ कोरोना परीक्षण गर्दा ३ हजार ६ सय ५१ जनामा कोरोना भाइरसको संक्रमण पुष्टि भएको हो ।
मन्त्रालयको अद्यावधि विवरण अनुसार गत २४ घन्टामा देशभर १० हजार ४ सय ४५ आरटी पिसिआर परीक्षण गर्दा २ हजार ६ सय ९ जना र ६ हजार १ सय ४९ एन्टीजेन परीक्षण गर्दा १० हजार ४२ जनामा कोरोना संक्रमण पुष्टि भएको हो ।
योसँगै देशभर हालसम्म कोरोना संक्रमितको संख्या ७ लाख ८७ हजार ६ पुगेको छ । यस्तै गत २४ घन्टामा देशभर रहेका सक्रिय संक्रमित मध्ये १ हजार ७ सय ८४ जना स्वस्थ भएका छन् । योसँगै नेपालमा कोरोना संक्रमणमुक्त हुनेको संख्या ६ लाख ७१ हजार ८३ पुगेको छ ।
