देशभर १३ हजार ५ सय ७३ कोरोना परीक्षण गर्दा ३२ सय १८ जनामा कोरोना पुष्टि, थप १७ सय २२ जना स्वस्थ
काठमाडौं, २३ साउन । गत २४ घन्टामा देशभर थप ३ हजार २ सय १८ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर १३ हजार ५ सय ७३ कोरोना परीक्षण गर्दा ३ हजार २ सय १८ जनामा कोरोना भाइरसको संक्रमण पुष्टि भएको हो ।
मन्त्रालयको अद्यावधि विवरण अनुसार गत २४ घन्टामा देशभर ८ हजार ८ सय ६६ आरटी पिसिआर परीक्षण गर्दा २ हजार २ सय ३१ जना र ४ हजार ७ सय ७ एन्टीजेन परीक्षण गर्दा.९ सय ८७ जनामा कोरोना संक्रमण पुष्टि भएको हो ।
योसँगै देशभर हालसम्म आरटी पिसिआर विधिबाट ७ लाख १२ हजार ७ सय ४० र एन्टीजेन विधिबाट ६८ हजार ६७ जनामा कोरोना पुष्टि भएको छ । हालसम्म आरटी पिसिआर र एन्टीजेन विधिबाट कोरोना पुष्टि हुनेको संख्या ८० हजार ८ सय ७ पुगेको छ ।
यस्तै गत २४ घन्टामा देशभर रहेका सक्रिय संक्रमित मध्ये १ हजार ७ सय २२ जना स्वस्थ भएका छन् । योसँगै नेपालमा कोरोना संक्रमणमुक्त हुनेको संख्या ६ लाख ६७ हजार २ सय ७० पुगेको छ ।
