जापानबाट ४ लाख मात्रा कोरोनाविरुद्धको खोप आज नेपाल आइपुग्ने
काठमाडौं, २३ साउन । कोरोना भाइरस (कोभिड १९) विरुद्धको खोपको चार लाख मात्रा आज नेपाल आइपुग्ने भएको छ ।
जापानले कोभ्याक्स सुविधामार्फत उपलब्ध गराउने १६ लाख मात्रा खोपमध्ये आज चार लाख एस्ट्राजेनेकाको खोप नेपाल ल्याउन लागिएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार आज चार लाख र भोलि चार लाख मात्रा खोप नेपाल ल्याउने तयारी छ । बाँकी ८ लाख मात्रा खोप अर्को साता नेपाल ल्याउने मन्त्रालयको योजना छ ।
Last modified on 2021-08-07 11:19:31
