नेपालमा कोरोनाका कारण मृत्यु हुनेको संख्या १० हजार नजिक, थपिए ४१ सय ७ नयाँ संक्रमित
काठमाडौं, २० साउन । नेपालमा पछिल्लो समय कोरोना संक्रमण बढिरहेको छ । पछिल्लो २४ घण्टामा थप ४ हजार १ सय ७ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयको अनुसार गत २४ घन्टामा देशभर आरटी पिसिआर विधिबाट कोरोना परीक्षण गर्दा १६ हजार २ सय ९८ कोरोना परीक्षण गर्दा थप ४ हजार १ सय ७ जनामा कोरोना भाइरसको संक्रमण पुष्टि भएको छ । योसँगै नेपालमा आरटी पिसिआर विधिबाट कोरोना संक्रमण पुष्टि हुनेको संख्या ७ लाख ६७ हजार ९ सय २२ जना पुगेको छ ।
त्यस्तै नेपालमा अहिले कुल सक्रिय संक्रमित ३३ हजार ४ सय ६४ जना रहेका छन् । मन्त्रालयका अनुसार गत २४ घन्टामा १ हजार ५ सय ३५ जना संक्रमणमुक्त भएका छन् । त्यस्तै २४ घण्टामा कोरोनाबाट ३५ जनाको मृत्यु भएको छ । योसंगै नेपालमा कोरोनाबाट मृत्यु हुनेको संख्या ९ हजार ९ सय ५७ जना पुगेको छ ।
हालसम्म नेपालमा ३९ लाख बढीको कोरोना परीक्षण भएकोमा ७ लाख ६७ हजार ९ सय २२ जनामा संक्रमण पुष्टि भएको छ । जसमध्ये ६ लाख ६१ हजार ६५१ जना निको भएका छन् ।
