भोलिदेखि जोर-बिजोर प्रणालीमा लामो दुरीका सार्वजनिक गाडी चलाउने तयारी

काठमाडौं उपत्यकामा निषेधाज्ञालाई निरन्तरता



Download our app to get more features

काठमाडौं, ३१ असार । साउन १ गते (भोलि)देखि लामो दुरीका सार्वजनिक गाडी जोर-बिजोर प्रणालीमा चलाउन दिने तयारी भएको छ । यसबारे आज स्वास्थ्य मन्त्रालयसहित काठमाण्डौ उपत्यकाका तीनै  जिल्ला प्रशासन कार्यालयका प्रमुख र सम्बन्धित अन्य निकायको बैठक बस्दैछ ।  

लामो दुरीका गाडी नचल्दा नागरिकले धेरै दुस्ख पाएको भन्दै जोर-बिजोर प्रणालीमा भए पनि सार्वजनिक गाडी चलाउन दिने तयारी भएको ललितपुरका प्रमुख जिल्ला अधिकारी ढुण्डीप्रसाद निरौलाले जानकारी दिए ।  कामका लागि काठमाडौं आउनै पर्ने यात्रुहरुले तेब्बर-चौबर भाडा तिर्नु परेको गुनासो बढेपछि जोर-बिजोर प्रणालीमा लामो दुरीका गाडी चलाउने तयारी थालिएको हो । यसबारे बेलुकासम्ममा निर्णय हुने ललितपुरका प्रमुख जिल्ला अधिकारी निरौलाले बताए ।  

यस्तै बजारमा भोलिदेखि निषेधाज्ञा कडा पार्ने हल्ला चलेको भन्दै उनले हल्लाको पछि नलाग्न पनि आग्रह गरेकाछन् ।  अहिले कोरोना सङ्क्रमण जोखिम नै रहेकाले साउन १ गतेदेखि कडा निषेधाज्ञा हुने हल्ला फैलिरहेको छ । तर हल्ला फैलिए जस्तो कुनै पनि गतिविधि नहुने हुँदा किनमेलका लागि बजारमा भिडभाड नगर्न पनि उनको आग्रह छ । 

यसैबीच काठमाडौं उपत्यकामा निषेधाज्ञालाई निरन्तरता नै दिने तयारी भएको छ । अहिलेको जस्तै खुकुलो बनाएर केही दिन निषेधाज्ञालाई लम्ब्याउने तयारी गरिएको हो ।  

उपत्यकामा पछिल्लो पटक थप गरिएको निषेधाज्ञाको अवधि आज राति १२ पछि सकिँदैछ । उपत्यकामा गएको वैशाख १६ गतेदेखि निषेधाज्ञा लागु गरिएको हो । 

Last modified on 2021-07-15 17:41:29


फेसबुकबाट तपाईको प्रतिक्रिया

Related Posts