काठमाडौं, ३० असार । नेपालमा कोरोना भाइरसको संक्रमणको कारण थप १८ जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार गत २४ घन्टामा देशभर १८ जनाको कोरोनाका कारण मृत्यु भएको छ । योसँगै नेपालमा कोरोनाका कारण मृत्यु हुनेको संख्या ९ हजार ४ सय ३० पुगेको छ ।

हाल नेपालमा सक्रिय संक्रमितको संख्या २६ हजार ६ सय ४७ रहेको छ । जसमा २४ हजार ९९ जना होम आइसोलेसनमा छन् भने २ हजार ५ सय ४८ जना संस्थागत आइसोलेसनमा भर्ना भएका छन् । 

संस्थागत आइसोलेसनमा भर्ना भएकामध्य ५ सय ९९ जना आईसीयूमा उपचाररत भने १ सय ७२ जना भेन्टिलेटरमा भर्ना भएका छन् ।

नेपालमा पछिल्लो समय कोरोनाका कारण संक्रमित थपिने दर औसतमा ३ हजारको हाराहारीमा रहँदा सक्रिय संक्रमितको संख्या पनि स्थिर देखिएको छ ।

Hamro Doctor