नेपालमा कोरोनाका कारण संक्रमित हुनेको संख्या ७ लाख नाघ्यो, थप ११ सय ३३ जना स्वस्थ
काठमाडौं, २८ असार । नेपालमा कोरोना भाइरसका कारण संक्रमित हुनेको संख्या ७ लाख नाघेको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर थप २ हजार ३ सय ७० जनामा कोरोना भाइरसको संक्रमण पुष्टि भएको छ ।
गत २४ घन्टामा देशभर ११ हजार ५ सय ८४ कोरोना परीक्षण गर्दा २३ सय ७० जनामा कोरोना पोजेटिभ देखिएको हो ।
योसँगै नेपालमा कोरोनाका कारण संक्रमित हुनेको संख्या ७ लाख १ हजार ४ सय ५८ पुगेको छ ।
यस्तै गत २४ घन्टामा देशभर ११ सय ३३ जना कोरोना संक्रमणपछि निको भएका छन् ।
योसँगै नेपालमा कोरोना संक्रमणपछि निको हुनेको संख्या ६ लाख २१ हजार २७ पुगेको छ । पछिल्लो समय नेपालमा कोरोना संक्रमित थपिनेभन्दा निको हुने दरमा कमी आएको छ ।
Last modified on 2021-07-13 06:51:08
