नेपालमा कोरोनाका कारण संक्रमित हुनेको संख्या ७ लाख नजिक, ६ लाख १९ हजारभन्दा बढी स्वस्थ
काठमाडौं, २७ असार । नेपालमा कोरोनाका कारण संक्रमित हुनेको संख्या ७ लाख नजिक पुगेको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा देशशभर ९ हजार २ सय १८ कोरोना परीक्षण गर्दा थप १ हजार ८ सय ३१ जनामा कोरोना भाइरसको संक्रमण पुष्टि भएको छ ।
मन्त्रालयको नियमित कोरोना सम्बन्धी जानकारी दिने क्रममा प्रवक्ता डा.कृष्ण प्रसाद पौडेलले पछिल्लो २४ घन्टामा देशभर ५ हजार ५ सय ३५ आरटी पिसिआर परीक्षणमा १ हजार २ सय ३७ र ३ हजार ६ सय ८३ एन्टीजेन परीक्षणमा ५ सय ९४ जनामा कोरोना संक्रमण पुष्टि भएको बताए ।
उनले नयाँ संक्रमित थपिएसँगै नेपालमा हालसम्म आरटी पिसिआर विधिबाट ६ लाख ५५ हजार ४ सय ४९ र एन्टीजेन विधिबाट ४३ हजार ६ सय ३९ जनामा कोरोना पुष्टि भएको भन्दै समग्रमा ६ लाख ९९ हजार ८८ जनामा कोरोना संक्रमण पुष्टि भएको बताए ।
यस्तै गत २४ घन्टामा देशभर १ हजार ५ सय ३३ जना कोरोना संक्रमणपछि निको भएका छन् । योसँगै नेपालमा कोरोना संक्रमणपछि निको हुनेको संख्या ६ लाख १९ हजार ८ सय ९४ पुगेको छ ।
