२४ घन्टामा थपिए २२ सय ३९ नयाँ संक्रमित, २० जनाको मृत्यु
काठमाडौं, २५ असार । नेपालमा थप १४ सय ७९ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर ६ हजार ६ सय ५७ कोरोना परीक्षण गर्दा २२ सय ३९ जनामा कोरोना पोजेटिभ देखिएको हो ।
योसँगै नेपालमा कोरोनाका कारण संक्रमित हुनेको संख्या ६ लाख ९४ हजार ३ सय २८ पुगेको छ ।
यस्तै गत २४ घन्टामा देशभर थप २० जनाको कोरोना संक्रमणका कारण मृत्यु भएको छ । योसँगै नेपालमा कोरोनाका कारण मृत्यु हुनेको संख्या ९ हजार ३ सय ४० पुगेको छ ।
हाल नेपालभर सक्रिय संक्रमितको संख्या २६ हजार ५ सय ९० रहेको छ । जसमा २३ हजार ९ सय २० जना होम आइसोलेसनमा छन् भने २ हजार ६ सय ७० जना संस्थागत आइसोलेसनमा छन् ।
देशभर रहेका संक्रमितमध्ये ५ सय ३९ जना आईसीयूमा उपचाररत छन् भने १ सय ६६ जना भेन्टिलेटरमा भर्ना भएका छन् ।
