१२ हजार ५ सय ८५ कोरोना परीक्षण गर्दा २६ सय ३४ जनामा कोरोना पुष्टि, १५ जनाको मृत्यु
काठमाडौं, २२ असार । नेपालमा कोरोना भाइरसका कारण संक्रमित हुनेको संख्या ६ लाख ९० हजार नजिक पुगेको छ ।
गत २४ घन्टामा देशभर २ हजार ६ सय ३४ जना नयाँ संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर १२ हजार ५ सय ८५ कोरोना परीक्षण गरिएको छ । जसमा २ हजार ६ सय ३४ जनामा कोरोना पोजेटिभ देखिएको हो ।
योसँगै नेपालमा हालसम्म कोरोनाका कारण संक्रमित हुनेको संख्या ६ लाख ८७ हजार ९ सय ९५ पुगेको छ । जसमा हालसम्म आरटी पिसिआर विधिबाट ६ लाख ४८ हजार ८५ र एन्टीजेन विधिबाट ३९ हजार ९ सय १० जनामा कोरोना पोजेटिभ देखिएको हो ।
यस्तै गत २४ घन्टामा देशभर रहेका संक्रमितमध्ये १ हजार ५ सय ६५ जना स्वस्थ भएका छन् । योसँगै नेपालमा कोरोना संक्रमणमुक्त हुनेको संख्या ६ लाख १२ हजार ९ सय ९४ पुगेको छ ।
जबकी गत २४ घन्टामा देशभर थप १५ जनाको कोरोनाका कारण मृत्यु भएको छ । योसँगै नेपालमा कोरोनाका कारण मृत्यु हुनेको संख्या ९ हजार २ सय ६३ पुगेको छ ।
