२४ घन्टामा देशभर थपिए २६ सय २२ नयाँ संक्रमित, २२ सय ११ जना स्वस्थ
काठमाडौं, २१ असार । नेपालमा कोरोना भाइरसका कारण संक्रमित हुनेको संख्या ६ लाख ८५ हजार नाघेको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर थपिएका नयाँ संक्रमितसँगै कोरोनाका कारण संक्रमित हुनेको संख्या ६ लाख ८५ हजार नाघेको हो ।
मन्त्रालयको अद्यावधिक विवरण अनुसार गत २४ घन्टामा ११ हजार ५ सय २७ कोरोना परीक्षण गर्दा २ हजार ६ सय २२ जनामा कोरोना पोजेटिभ देखिएको छ ।
जसमा ७ हजार ४ सय ९९ आरटी पिसिआर विधिबाट १ हजार ७ सय ४५ र ४ हजार २८ एन्टीजेन विधिबाट ८ सय ७७ जनामा कोरोना देखिएको हो । योसँगै नेपालमा हालसम्म आरटी पिसिआर विधिबाट ६ लाख ४६ हजार ३ सय ३७ र एन्टीजेन विधिबाट ३८ हजार ९ सय ९४ जनामा कोरोना देखिएको छ । समग्रमा हालसम्म नेपालमा ६ लाख ८५ हजार ३ सय ३१ जनामा कोरोना संक्रमण पुष्टि भइसकेको छ ।
यस्तै गत २४ घन्टामा थप २ हजार २ सय ११ जना कोरोना संक्रमणमुक्त भएका छन् । योसँगै नेपालमा कोरोनाका कारण संक्रमित भएकामध्ये निको हुनेको संख्या ६ लाख ११ हजार ४ सय २९ पुगेको छ । यो दर कुल संक्रमितको ९४ दशमलव ६ प्रतिशत हो ।
