नेपालमा वर्षेनी १७ हजार मानिसको क्षयरोगका कारण मृत्यु, ६० प्रतिशत बिरामी उपचार बाहिर
काठमाडौं, २० असार । नेपालमा वर्षेनी १७ हजार मानिसहरुको क्षयरोगका कारण मृत्यु हुने गरेको छ ।
राष्ट्रिय क्षयरोग केन्द्रका डा. राकेश कुमार साहले नेपालमा क्षयरोगका कारण बिरामी फेला पर्ने क्रम अझै नरोकिएको र वर्षेनी १७ हजारको मृत्यु हुने गरेको बताए ।
उनले आर्थिक वर्ष २०७६/०७७ मा २७ हजार ७ सय ४५ नयाँ बिरामी फेला परेकोमा कोरोना महामारीको क्रममा त्यो संख्या ६९ हजार पुगेको बताए ।
डा. साहले अहिलेपनि ६० प्रतिशत बिरामीको पत्ता लगाएर उनीहरुलाई उपचारको आवश्यकता रहेको बताए ।
डा.साहका अनुसार हाल देशभरका ४ हजार डट्स केन्द्रबाट औषधि दिँदै आएको भएपनि कोरोनाले गर्दा क्षयरोगीका बिरामीको संख्या बढ्दै गएकोमा चिन्ता व्यक्त गरे ।
उनले कोरोनाका कारण क्षयरोगका बिरामीलाई बढी प्रभावित बनाएको हुँदा क्षयरोग र कोरोनाको लक्षणसँग मिल्दोजुल्दो हुँदा परीक्षण गराउन पनि सबैले आग्रह गरे ।
