२४ घन्टामा थपिए १६ सय ३ नयाँ संक्रमित, निको हुनेको संख्या ६ लाख ९ हजारभन्दा बढी
काठमाडौं, २० असार । नेपालमा कोरोना भाइरसका कारण संक्रमित हुनेको संख्या ६ लाख ८० हजार नाघेको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर जम्मा १६ सय ३ जनामा कोरोना भाइरसको संक्रमण पुष्टि भएको छ ।
नियमित कोभिढ १९ सम्बन्धी जानकारी दिने क्रममा मन्त्रालयका प्रवक्ता डा.कृष्ण पौडेलले गत २४ घन्टामा जम्मा ८ हजार १ सय ३२ कोरोना परीक्षण गर्दा १ हजार ६ सय ३ जनामा कोरोना पुष्टि भएको बताए ।
उनले गत २४ घन्टामा आरटी पिसिआर विधिबाट जम्मा ४ हजार ८ सय ७६ परीक्षण गर्दा १ हजार ४२ र ३ हजार २ सय ५६ एन्टीजेन परीक्षण गर्दा ५ सय ६१ जनामा कोरोना पोजेटिभ देखिएको बताए ।
योसँगै हालसम्म नेपालमा आरटी पिसिआर विधिबाट ६ लाख ४४ हजार ६ सय २२ र एन्टीजेन विधिबाट ३८ हजार १ सय १७ जनामा कोरोना पुष्टि भएको छ । योसँगै नेपालमा कोरोनाका कारण संक्रमित हुनेको संख्या ६ लाख ८२ हजार ं७ सय ३९ पुगेको छ ।
यस्तै गत २४ घन्टामा २ हजार ५ सय ५२ जना कोरोना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या ६ लाख ९ हजार १ सय ८८ पुगेको छ ।
यस्तै गत २४ घन्टामा २७ जनाको कोरोनाका कारण मृत्यु भएको छ । योसँगै नेपालमा कोरोनाका कारण मृत्यु हुनेको संख्या ९ हजार २ सय २५ पुगेको छ ।
