नेपालमा कोरोनाका कारण संक्रमित हुनेको संख्या ६ लाख ८० हजार नाघ्यो
काठमाडौं, १९ असार । नेपालमा थप २ हजार ३ सय २८ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा १० हजार १ सय ३३ कोरोना परीक्षण गर्दा २ हजार ३ सय २८ जनामा कोरोना पोजेटिभ देखिएको हो ।
मन्त्रालयको अद्यावधिक विवरण अनुसार गत २४ घन्टामा ५ हजार ८ सय ३७ आरटी पिसिआर विधिबाट कोरोना परीक्षण गर्दा १ हजार ५ सय २८ र ४ हजार २ सय ९६ एन्टीजेन विधिबाट कोरोना परीक्षण गर्दा ८ सय १ जनामा कोरोना संक्रमण पुष्टि भएको छ ।
योसँगै हालसम्म नेपालमा कोरोनाका कारण संक्रमित हुनेको संख्या ६ लाख ८१ हजार १ सय ३६ पुगेको छ । जसमा ६ लाख ४३ हजार ५ सय ८० जनामा आरटी पिसिआर विधिबाट कोरोना संक्रमण पुष्टि भएको छ भने ३७ हजार ५ सय ५६ जनामा एन्टीवेन विधिबाट कोरोना पुष्टि भएको छ ।
गत २४ घन्टामा देशभर ३ हजार ६६ जना कोरोना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या ६ लाख ६ हजार ६ सय ६६ पुगेको छ ।
