थप ३३ जनाको कोरोना संक्रमणका कारण मृत्यु, सक्रिय संक्रमितको संख्या ३१ हजारभन्दा बढी
काठमाडौं, १७ असार । नेपालमा थप ३३ जनाको कोरोना संक्रमणका कारण मृत्यु भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर ३३ जनाको कोरोना संक्रमणका कारण मृत्यु भएको छ । योसँगै नेपालमा कोरोना संक्रमणका कारण मृत्यु हुनेको संख्या ९ हजार १ सय ४५ पुगेको छ ।
हाल नेपालभर सक्रिय संक्रमितको संख्या ३१ हजार ३ सय ६८ रहेको छ । जसमा २८ हजार ३ सय ७४ जना होम आइसोलेसनमा रहेका छन् भने २ हजार ९ सय ९४ जना संस्थागत आइसोलेसनमा रहेका छन् ।
यस्तै हाल रहेका संक्रमितमध्ये ६ सय २९ जना आईसीयूमा रहेका छन् भने १ सय ८१ जनाको उपचार भेन्टिलेटरमा भइरहेको छ ।
Last modified on 2021-07-02 08:22:20
