नेपालमा कोरोना संक्रमणमुक्त हुनेको संख्या ६ लाख नाघ्यो, थपिए २७ सय ६० नयाँ संक्रमित
काठमाडौं, १७ असार । नेपालमा कोरोना संक्रमणमुक्त हुनेको संख्या ६ लाख नाघेको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा ४ हजार १७ जना स्वस्थ भएसँगै नेपालमा कोरोना संक्रमणमुक्त हुनेको संख्या ६ लाख १ हजार ४९ पुगेको छ । यो दर कुल संक्रमितको ९३ दशमलव ७ प्रतिशत हो ।
यस्तै गत २४ घन्टामा थप २ हजार ७ सय ६० जनामा कोरोना भाइरसको संक्रमण पुष्टि भएको छ ।
मन्त्रालयको अद्यावधिक विवरण अनुसार गत २४ घन्टामा ११ हजार ९ सय ८५ कोरोना परीक्षण गरिएको छ । जसमा ७ हजार १ सय ३० आरटी पिसिआर परीक्षण गर्दा १ हजार ८ सय ५७ जना र ३ हजार ८ सय ५५ एन्टीजेन परीक्षण गर्दा ९ सय ३ जनामा कोरोना पोजेटिभ देखिएको हो ।
योसँगै नेपालमा हालसम्म कोरोनाका कारण संक्रमित हुनेको संख्या ६ लाख ७७ हजार ५ सय ९ पुगेको छ । जसमा ६ लाख ४० हजार ६ सय ६२ जनामा आरटी पिसिआर विधिबाट कोरोना पुष्टि भएको छ भने ३५ हजार ८ सय ४७ जनामा एन्टीजेन विधिबाट कोरोना पोजेटिभ देखिएको हो ।
