राष्ट्रिय फुटबल टिमका २० जनामा कोरोना सङ्क्रमण देखियो
काठमाडौं, १७ असार । नेपाली राष्ट्रिय फुटबल टिमका २० जनामा कोरोना भाइरसको सङ्क्रमण पुष्टि भएको छ ।
राष्ट्रिय टिमको बन्द प्रशिक्षण सुरु गर्नु अघि गरिएको कोरोना परिक्षणमा २० जना खेलाडी र अफिसियलमा कोरोना भाइरसको सङ्क्रमण पुष्टि भएको हो ।
अखिल नेपाल फुटबल संघ (एन्फा) का प्रवक्ता किरण राईले २० जनाको कोरोना रिपोर्ट पोजेटिभ आएको पुष्टि गर्दै कोरोना देखिएका खेलाडी र अफिसियल होम आईसोलेसनमा रहेको समेत जानकारी दिए ।
ठुलो संख्यामा खेलाडी र अफिसियलमा कोरोना सङ्क्रमण देखिएपछि एन्फाले बन्द प्रशिक्षण एक साताका लागि स्थगित गरेको छ ।
Last modified on 2021-07-01 19:23:07
