२४ घन्टामा ४१ जनाको कोरोनाका कारण मृत्यु, अस्पताल भर्ना हुनेको संख्या बढ्यो
काठमाडौं, १६ असार । नेपालमा थप ४१ जनाको कोरोनाका कारण मृत्यु भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा थप ४१ जनाको कोरोना सङ्क्रमणका कारण मृत्यु भएको हो । योसँगै नेपालमा कोरोना सङ्क्रमणका कारण मृत्यु हुनेको संख्या ९ हजार १ सय १२ पुगेको छ ।
हाल नेपालभर ३३ हजार ५ सय ६१ सक्रिय सङ्क्रमित रहेका छन् ।
जसमा ३० हजार ५ सय ४४ जना होम आइसोलेसनमा रहेका छन् भने ३ हजार १७ जना संस्थागत आइसोलेसनमा रहेका छन् ।
नेपालमा फेरि अस्पताल भर्ना हुने बिरामीको संख्या पनि बढ्न थालेको सरकारको तथ्याङ्कले नै देखाएको छ ।
यस्तै हाल रहेका सङ्क्रमित भएकामध्ये ६ सय २७ जना आईसीयूमा उपचाररत रहेका छन् भने १ सय ७५ जनाको उपचार भेन्टिलेटरमा भइरहेको छ ।
Last modified on 2021-07-01 08:02:00
