नेपालमा कोरोना संक्रमणपछि निको हुनेको संख्या ५ लाख ९० हजार नाघ्यो
काठमाडौं, १५ असार । नेपालमा कोरोना संक्रमणमुक्त हुनेको संख्या ५ लाख ९० हजार नाघेको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा थप ४ हजार ३ सय ४८ जना कोरोना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या ५ लाख ९२ हजार ५ सय ३५ पुगेको छ । योदर कुल संक्रमितको ९३ प्रतिशत हो ।
यस्तै गत २४ घन्टाम थप २ हजार ६ सय ३६ जनामा कोरोना संक्रमण पुष्टि भएको छ ।
मन्त्रालयका अनुसार गत २४ घन्टामा ११ हजार ७ सय ४८ कोरोना परीक्षण गरिएको छ । जसमा ७ हजार २सय ५९ आरटी पिसिआर विधिबाट कोरोना परीक्षण गर्दा १ हजार ७ सय २८ जना र ४ हजार ४ सय ८९ एन्टीजेन परीक्षण गर्दा ९ सय ८ जनामा कोरोना संक्रमण पुष्टि भएको छ ।
योसँगै नपालमा कोरोना भाइरसका कारण संक्रमित हुनेको संख्या ६ लाख ६७ हजार ८ सय ५७ पुगेको छ । जसमा आरटी पिसिआर विधिबाट हालसम्म ६ लाख ३३ हजार ९ सय १६ र ३३ हजार ९ सय ४१ जनामा एन्टीजेन विधिबाट कोरोना पोजेटिभ देखिएको छ ।
