नेपालमा कोरोना संक्रमणमुक्त हुनेको संख्या बढ्दै, थप २७ जनाको कोरोनाका कारण मृत्यु
काठमाडौं, ११ असार । नेपालमा कोरोना संक्रमणमुक्त हुनेदर ९१ प्रतिशत नाघेको छ ।
स्वास्थ्य तथा जनसंख्या मन्त्रालयका अनुसार पछिल्लो समय नेपालमा कोरोना संक्रमणमुक्त हुनेको संख्या निरन्तर बढ्दै गएको छ ।
गत २४ घन्टामा मात्रै देशभर ५ हजार ४ सय ५५ जना कोरोना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या ५ लाख ७६ हजार ४ सय १३ पुगेको छ । यो दर कुल संक्रमितको ९१ दशमलव ३ प्रतिशत हो ।
यस्तै गत २४ घन्टामा थप २ हजार ७ सय ७६ जनामा कोरोना भाइरसको संक्रमण पुष्टि भएको छ । मन्त्रालयका अनुसार गत २४ घन्टामा १४ हजार ३ सय ५१ कोरोना परीक्षण गर्दा उनीहरुमा कोरोना भाइरसको संक्रमण पुष्टि भएको हो ।
हालसम्म नेपालमा आरटी पिसिआर विधिबाट ६ लाख ३१ हजार १ स ५२ जनामा र एन्टीजेन विधिबाट ३० हजार ६ सय ८९ जनामा कोरोना भाइरसको संक्रमण देखिएको छ ।
हाल नेपालभर ४१ हजार ९ सय १० जना होम आइसोलेसनमा रहेका छन् भने २ हजार ८ सय ८४ जना संस्थागत आइसोलेसनमा भर्ना भएका छन् ।
