देशभर २४ घन्टामा २६ सय ७ जनामा कोरोना संक्रमण पुष्टि, २१ सय ४१ जना स्वस्थ
काठमाडौं, ३ असार । नेपालमा निरन्तर कोरोना संक्रमणको दर ओरालो लाग्दै गएको छ ।
गत २४ घन्टामा देशभर १२ हजार ४ सय ८४ कोरोना परीक्षण गर्दा थप २ हजार ६ सय ७ जनामा कोरोना भाइरसको संक्रमण पोजेटिभ देखिएको हो ।
स्वास्थ्य तथा जनसंख्या मन्त्रालयका अनुसार देशभर बिहीवार ७ हजार ७ सय ११ आरटी पिसिआर परीक्षण गर्दा १ हजार ७ सय ६८ जना र ४ हजार ७ सय ७३ एन्टीजेन परीक्षण गर्दा ८ सय ३९ जनामा कोरोना पोजेटिभ देखिएको हो ।
हालसम्म नेपालमा आरटी पिसिआर विधिबाट ६ हजार १५ हजार ५ सय ८४ जनामा कोरोना देखिएको छ भने एन्टीजेन विधिबाट २४ हजार ५८ जनामा कोरोना संक्रमण देखिएको छ ।
यस्तै गत २४ घन्टामा देशभर २ हजार १ सय ४१ जना कोरोना संक्रमित स्वस्थ भएका छन् । योसँगै नेपालमा कोरोना संक्रमणमुक्त हुनेको संख्या ५ लाख ४५ हजार ६ सय ६२ पुगेको छ । यो दर कुल संक्रमितको ८८ दशमलव ६ प्रतिशत हो ।
