पूर्वप्रधानमन्त्री खनाललाई उपचार गर्न एपोलो अस्पताल लैजाने
काठमाडौं, २ असार । पूर्वप्रधानमन्त्री एवम् नेकपा एमालेका वरिष्ठ नेता झलनाथ खनाललाई थप उपचारका लागि नयाँदिल्ली लगिंदै छ ।
उनलाई बुधबार दिउँसो साढे बाह्र बजे दिल्ली लैजान लागिएको खनालको सचिवालयले जनाएको छ । खनालको उपचार दिल्लीको एपोलो अस्पतालमा हुने छ ।
नेता खनालको स्वास्थ्यमा समस्या देखिएपछि गत सोमबार थापाथलीस्थित नर्भिक अस्पताल भर्ना गरिएको थियो ।
