पूर्व प्रधानमन्त्री खनाल अस्पताल भर्ना
काठमाडौं, ३१ जेठ । पूर्व प्रधानमन्त्री झलनाथ खनाल नर्भिक अस्पताल भर्ना भएका छन् । विगत चाररपाँच दिनदेखि ज्वरो आइरहेको र निमोनिया समेत ठिक नभएकाले आज बिहान उपचारका लागि नर्भिक अस्पताल गएका हुन् । खनाललाई आकस्मिक कक्षमा भर्ना गरी उपचार थालिएको नर्भिक अस्पतालले जनाएको छ ।
यसअघि कोरोना सङ्क्रमण भएपछि वैशाख १८ गते नर्भिक अस्पतालमा भर्ना भएका खनाल सङ्क्रमणमुक्त भएपछि दश दिनपछि घर फर्किएका थिए ।
