नेपालमा थपिए ३७ सय ५० नयाँ संक्रमित, निको हुने दर लगातार बढ्दै
काठमाडौं, २८ जेठ । नेपालमा थप ३ हजार ७ सय ५० जनामा कोरोना भाइरसको संक्रमण देखिएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर १५ हजार १ सय ८२ कोरोना परीक्षण गरिएको छ । जसमा आरटी पिसिआर विधिबाट ९ हजार ५ सय ९८ कोरोना परीक्षण गर्दा २ हजार ७ सय ९ र एन्टीजेन विधिबाट ५ हजार ५ सय ८४ कोरोना परीक्षण गर्दा १ हजार ४१ जनामा कोरोना पोजेटिभ देखिएको हो ।
योसँगै नेपालमा हालसम्म आरटी पिसिआर विधिबाट गरिएको परीक्षणमा ६ लाख ४ हजार ३ सय ९६ जनामा कोरोना देखिएको छ भने एन्टीजेन विधिबाट गरिएको परीक्षणमा १८ हजार ७ सय ५५ जनामा कोरोना देखिएको छ ।
यस्तै गत २४ घन्टामा देशभर ५ हजार २ सय २५ जना कोरोना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या ५ लाख २० हजार ८ सय १६ पुगेको छ । यो दर कुल संक्रमितको ८६ दशमलव २ प्रतिशत हो ।
