गत २४ घन्टामा ४ हजारभन्दा कममा कोरोना संक्रमण देखियो, निको हुनेको संख्या ५ लाख नजिक
काठमाडौं, २३ जेठ । नेपालमा कोरोना भाइरसको संक्रमणपछि निको हुनेको संख्या ५ लाख नजिक पुगेको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर ६ हजार ६ सय ३६ जना कोरोना संक्रमित निको भएका छन् । योसँगै नेपालमा कोरोना सँगै नेपालमा कोरोना संक्रमणपछि निको हुनेको संख्या ४ लाख ९१ हजार ९ पुगेको छ । यो दर कुल संक्रमितको ८३ दशमलव ५ प्रतिशत हो ।
यस्तै गत २४ घन्टामा देशभर ३ हजार ४ सय ७९ जनामा कोरोना भाइरसको संक्रमण पुष्टि भएको छ ।
मन्त्रालयका अनुसार देशभर १३ हजार ७ सय ३३ कोरोना परीक्षण गरिएको छ । जसमा १० हजार ४ सय ७१ आरटी पिसिआर विधिबाट कोरोना परीक्षण गर्दा ३ हजार २४ र ३ हजार २ सय ६२ एन्टीजेन परीक्षण गर्दा ४ सय ५५ जनामा कोरोना पोजेटिभ देखिएको छ । योसँगै नेपालमा कोरोना भाइरसका कारण संक्रमित हुनेको संख्या ५ लाख ८८ हजार ५ सय ७९ पुगेको छ ।
