होम आइसोलेसनमा बस्नेको संख्या घट्दै, थप १ सय १ जनाको मृत्यु
काठमाडौं, १९ जेठ । नेपालमा कोरोना संक्रमणका कारण थप १ सय १ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा थप १ सय १ जनाको मृत्यु भएको छ । योसँगै नेपालमा कोरोनाका कारण मृत्यु हुनेको संख्या ७ हजार ५ सय ५५ पुगेको छ ।
यस्तै हाल देशभर सक्रिय संक्रमितको संख्या १ लाख १ हजार ९ सय ९१ रहेको छ । जसमा ६ हजार ८ सय ६२ जना संस्थागत आइसोलेसनमा रहेका छन् भने ९५ हजार १ सय ३१ जना होम आइसोलेसनमा रहेका छन् ।
Last modified on 2021-06-02 20:09:12
