काठमाडौं, १८ जेठ । नेपालमा गत २४ घन्टामा ६ हजारभन्दा बढीमा कोरोना भाइरसको संक्रमण देखिएको छ ।

स्वास्थ्य तथा जनसंख्या मन्त्रालयका अनुसार गत २४ घन्टामा २० हजार १ सय ६५ कोरोना परीक्षण गर्दा ६ हजार ८५ जनामा कोरोना पुष्टि भएको छ ।

जसमा १७ हजार १ सय ४७ आरटी पिसिआर विधिबाट कोरोना परीक्षण गर्दा ५ हजार २ सय ८५ जनामा र ३ हजार १८ एन्टीजेन विधिबाट परीक्षण गर्दा ८ सय जनामा कोरोना पोजेटिभ देखिएको हो । योसँगै नेपालमा कोरोनाका कारण संक्रमित हुुनेको संख्या ५ लाख ६६ हजार ५ सय ८७ पुगेको छ ।

यस्तै गत २४ घन्टामा ६ हजार ८ सय ८९ जना कोरोना संक्रमण पछि निको भएका छन् । योसँगै नेपालमा कोरोना संक्रमणमुक्त हुनेको संख्या ४ लाख ५४ हजार ३ सय ४४ पुगेको छ । यो दर कुल संक्रमितको ८० दशमलव २ प्रतिशत हो । 

Hamro Doctor