कोरोनाको कारण अर्थशास्त्री गोविन्द थापाको निधन
काठमाडौं, १८ जेठ । अर्थशास्त्री डा. गोविन्दबहादुर थापाको कोरोना संक्रमणका कारण निधन भएको छ । कोरोना संक्रमणबाट पीडित थापाको सोमबार बिहान करिब ५ बजे शहीद गंगालाल अस्पतालमा निधन भएको हो ।
थापाको आजै पशुपति आर्यघाटमा दाहसंस्कार समेत गरिएको छ । तत्कालीन अर्थमन्त्री भरतमोहन अधिकारीको सल्लाहकार रहेका थापा नेपाल राष्ट्र बैंकको पूर्वकार्यकारी निर्देशक हुन् । सुरेन्द्र पाण्डे अर्थमन्त्री भएका बेला उनलाई सरकारले एशियाली विकास बैंकमा काम गर्ने अवसर दिएको थियो ।
नेकपा एमालेको अर्थ योजना, अनुसन्धान विभागको पाण्डे अध्यक्ष र थापा सचिव रहेका थिए ।
पोखरामा जन्मिएका थापाका श्रीमती, एक छोरा र एक छोरी रहेका छन् ।
