नेपालमा लगातार दोस्रोदिन ५ हजारभन्दा कममा कोरोना संक्रमण, १ सय ६ जनाको मृत्यु
काठमाडौं, १६ जेठ । नेपालमा लगातार दोस्रोदिन ५ हजारभन्दा कममा कोरोना भाइरसको संक्रमण देखिएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा थप ४ हजार ३ सय ६९ जनामा कोरोना भाइरसको संक्रमण पुष्टि भएको छ ।
मन्त्रालयका अनुसार गत २० घन्टामा १२ हजार ७ सय ७० कोरोना परीक्षण गरिएको छ । जसमा १० हजार ९ सय ८६ आरटी पिसिआर परीक्षण गर्दा ३ हजार ७ सय २ र १ हजार ७ सय ८४ एन्टिजेन परीक्षण गर्दा ६ सय ६७ जनामा कोरोना संक्रमण पुष्टि भएको छ । योसँगै नेपालमा कोरोनाका कारण संक्रमित हुनेको संख्या ५ लाख ५७ हजार ७ सय ९१ पुगेको छ ।
यस्तै गत २४ घन्टामा थप ६ हजार २ सय ५ जना कोरोना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या ४ लाख ४० हजार ९ सय ५५ पुगेको छ ।
यस्तै गत २४ घन्टामा देशभर १ सय ६ जनाको कोरोनाका कारण मृत्यु भएको छ । योसँगै नेपालमा कोरोनाका कारण मृत्यु हुनेको संख्या ७ हजार २ सय ६९ पुगेको छ ।
