नेपालमा कोरोना संक्रमित हुने पाँचलाख नाघे
काठमाडौं, १५ जेठ । नेपालमा कोरोना भाइरसका कारण संक्रमित हुनेको संख्या साढे ५ लाख नाघेको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा १४ हजार ७ सय ५२ कोरोना परीक्षण गर्दा ४ हजार ४ सय ८७ जनामा कोरोना भाइरसको संक्रमण पुष्टि भएको छ ।
मन्त्रालयका अनुसार गत २४ घन्टामा देशभर १४ हजार ६ आरटी पिसिआर विधिबाट कोरोना परीक्षण गर्दा ४ हजार ३ सय ११ र ७ सय ४६ एन्टीजेन परीक्षण गर्दा १ सय ७६ जनामा कोरोना पोजेटिभ देखिएको हो । योसँगै नेपालमा कोरोनाका काराण संक्रमित हुनेको संख्या ५ लाख ५३ हजार ४ सय २२ पुगेको छ ।
यस्तै गत २४ घन्टामा देशभर ६ हजार ८० जना कोरोना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या ४ लाख ३४ हजार ७ सय ५० पुगेको छ । यो दर कुल संक्रमितको ८७ दशमलव ६ प्रतिशत हो ।
