सेती प्रादेशिक अस्पतालमा ३३ वटा अक्सिजन कन्सन्ट्रेटर जडान
धनगढी, ५ जेठ । सेती प्रादेशिक अस्पतालमा ३३ वटा अक्सिजन कन्सन्ट्रेटर जडान गरिएको छ। अस्पतालमा मङ्गलबार ३३ वटा अक्सिजन कन्सन्ट्रेटर जडान गरिएको हो।
अस्पतालमा संघीय सरकारले दिएका २४, प्रदेश सरकारले दिएका ६ र विभिन्न दाताहरूले सहयोग गरेका ३ गरि ३३ वटा अक्सिजन कन्सन्ट्रेटर जडान गरिएको अस्पतालका सूचना अधिकारी दिलिपकुमार श्रेष्ठले बताए।
अक्सिजन कन्सन्ट्रेटर जडान गरिएपछि कोरोनाका बिरामीहरूको उपचारमा थप सहजता हुने सूचना अधिकारी श्रेष्ठले बताए।
