लगातार तेस्रोदिन ८ हजारभन्दा बढीमा कोरोना संक्रमण पुष्टि
होम आइसोलेसनमा बस्नेको संख्या १ लाख नाघ्यो
काठमाडौं, १ जेठ । नेपालमा लगातार तेस्रोदिन ८ हजारभन्दा बढीमा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा देशभर १८ हजार ५ सय ४८ कोरोना परीक्षण गर्दा ८ हजार १ सय ६७ जनामा कोरोना पोजेटिभ देखिएको हो ।
मन्त्रालयको अद्यावधिक तथ्यांक अनुसार गत २४ घन्टामा देशभर १७ हजार ९ सय ७१ आरटी पिसिआर विधिबाट कोरोना परीक्षण गर्दा ८ हजार ४६ र ५ सय ७७ एन्टीजेन विधिबाट कोरोना परीक्षण गर्दा १ सय २१ जनामा कोरोना पोजेटिभ देखिएको हो । नयाँ संक्रमित थपिएसँगै नेपालमा कोरोना भाइरसका कारण संक्रमित हुनेको संख्या ४ लाख ४७ हजार ७ सय ४ पुगेको छ ।
यस्तै गत २४ घन्टामा देशभर रहेका संक्रमितमध्ये ५ हजार ४ सय ५५ जना स्वस्थ भएका छन् । मन्त्रालयका अनुसार योसँगै देशभर कोरोना संक्रमणमुक्त हुनेको संख्या ३ लाख ३३ हजार १ सय ८ पुगेको छ । यो दर कुल संक्रमितको ७४ दशमलव ४ प्रतिशत हो ।
हाल नेपालभर सक्रिय संक्रमितको संख्या १ लाख ९ हजार ७ सय ४० रहेको छ । जसमा १ लाल १ हजार ७ सय ७१ जना होम आइसोलेनसमा छन् भने ७ हजार ९ सय ६९ जना संस्थागत आइसोलेसनमा भर्ना भएका छन् ।
