नेपालमा दैनिक कोरोना संक्रमित थपिने नयाँ रेकर्ड, सक्रिय संक्रमितको संख्या ७० हजार नाघ्यो
काठमाडौं, २३ वैशाख । नेपालमा दैनिक कोरोना संक्रमित थपिने नयाँ रेकर्ड कायम भएको छ ।
गत २४ घन्टामा देशभर ९ हजारभन्दा बढीमा कोरोना संक्रमण पुष्टि भएसँगै नेपालमा एकैदिन कोरोना संक्रमित थपिने नयाँ रेकर्ड कायम भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा २१ हजार १ सय ४२ कोरोना परीक्षण गरिएको छ । जसमा ९ हजार ७० जनामा कोरोना संक्रमण पुष्टि भएको हो ।
मन्त्रालयका अनुसार गत २४ घन्टामा २० हजार ३ सय ६७ आरटी पिसिआर परीक्षण गर्दा ८ हजार ९ सय ७० र ७ सय ७५ एन्टीजेन परीक्षण गर्दा १ सय जनामा कोरोना पोजेटिभ देखिएको छ । नयाँ संक्रमित थपिएसँगै नेपालमा कोरोना भाइरसका कारण संक्रमित हुनेको संख्या ३ लाख ६८ हजार ५ सय ८० पुगेको छ ।
यस्तै गत २४ घन्टामा कोरोना भाइरसका कारण संक्रमित भएकामध्ये २ हजार ७ सय ७ जना स्वस्थ भएका छन् । योसँगै नेपालमा कोरोना संक्रमणपछि निको हुनेको संख्या २ लाख ९२ हजार ४ सय ९० पुगेको छ । यो दर कुल संक्रमितको ७९ दशमलव ४ प्रतिशत हो ।
हाल नेपलाभर सक्रिय संिक्रमितको संख्या ७२ हजार ५ सय ६१ रहेको छ ।
