नेपालमा दैनिक कोरोना संक्रमणदर थपिने क्रम जारी, २४ घन्टामा ७ हजारभन्दा बढी कोरोना पोजेटिभ
काठमाडौं, १९ वैशाख । नेपालमा दैनिक कोरोना संक्रमित थपिने दरले नयाँ किर्तिमानी कायम गर्ने क्रम जारी छ ।
गत २४ घन्टामा हालसम्मकै धेरै संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार गत २४ घन्टामा १६ हजार १ सय ४७ आरटी पिसिआर परीक्षण गर्दा ७ हजार १ सय ३७ र ६ सय २३ एन्टीजेन परीक्षण गर्दा ३४ जनामा कोरोना भाइरसको संक्रमण पुष्टि भएको छ ।
मन्त्रालयका अनुसार गत २४ घन्टामा थपिएका संक्रमितमध्ये यो हालसम्मकै धेरै संक्रमित संख्या हो । योसँगै नेपालमा कोरोना भाइरसका कारण संक्रमित हुनेको संख्या ३ लाख ३६ हजार ३० पुगेको छ ।
यस्तै गत गत २४ घन्टामा कोरोनाका कारण संक्रमित भएकामध्ये १ हजार ६ सय १२ जना स्वस्थ भएका छन् । योसँगै नेपालमा कोरोना संक्रमणमुक्त हुनेको संख्या २ लाख ८३ हजार ९ सय ९४ पुगेको छ । यो दर कुल संक्रमितको ८४ दशमलव ५ प्रतिशत हो ।
हाल नेपालभर सक्रिय संक्रमितको संख्या ४८ हजार ७ सय ११ रहेको छ ।
