नेपालमा कोरोना संक्रमणमुक्त हुनेको संख्या २ लाख ८१ हजार नाघ्यो
थपिए ५ हजार ७ सय २७ नयाँ संक्रमित
काठमाडौं, १७ वैशाख । नेपालमा कोरोना संक्रमणमुक्त हुनेको संख्या २ लाख ८१ हजार नाघेको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा ९ सय २८ जना स्वस्थ भएसँगै नेपालमा कोरोना संक्रमणमुक्त हुनेको संख्या २ लाख ८१ हजार ९५ पुगेको हो । यो दर कुल संक्रमितको ८६ दशमलव ९ प्रतिशत हो ।
यस्तै गत २४ घन्टामा हालसम्म कै संक्रमित थपिएका छन् ।
मन्त्रालयको तथ्यांक अनुसार २४ घन्टामा १५ हजार ९ सय १६ कोरोना परीक्षण गर्दा ५ हजार ७ सय २७ जनामा कोरोना पोजेटिभ देखिएको छ । यो एकैदिन थपिने हालसम्मकै धेरै संक्रमित संख्या हो ।
देशभर गरिएको १५ हजार ३ सय ९१ आरटी पिसिआर परीक्षणमा ५ हजार ६ सय ५७ र ५ सय २५ एन्टीजेन परीक्षण गर्दा ७० जनामा कोरोना पोजेटिभ देखिएको हो । योसँगै नेपालमा कोरोना संक्रमितको संख्या ३ लाख ३ लाख १७ हजार ५ सय ३० पुगेको छ ।
हाल नेपालभर सक्रिय संक्रमितको संख्या ३८ हजार ८ सय १४ रहेको छ भने ५५ जना मात्रै क्वारेन्टाइनमा रहेका छन् ।
