गत २४ घन्टामा झन्डै ५ हजारमा कोरोना संक्रमण पुष्टि, ८८ प्रतिशतमा झर्यो निको हुनेदर
काठमाडौं, १६ वैशाख । नेपलमा एकैदिन झन्डै ५ हजारमा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अुनसार २४ घन्टामा देशभर १३ हजार ५ सय ६० कोरोना परीक्षण गर्दा ४ हजार ९ सय २८ जनामा कोरोना संक्रमण पुष्टि भएको हो । यो एकैदिन थपिने संक्रमितमध्ये हालसम्मकै धेरै संख्या हो ।
मन्त्रालयको अद्यावधिक विविरण अनुसार १२ हजार ५ सय ९७ आरटी पिसिआर परीक्षण गर्दा ४ हजार ८ सय ३१ र ९ सय ६३ एन्टीजेन परीक्षण गर्दा ९७ जनामा कोरोना पोजेटिभ देखिएको हो । योसँगै नेपालमा कोरोना भाइरसका कारण संक्रमित हुनेको संख्या ३१ लाख ७ हजार ५ सय ३० पुगेको छ ।
यस्तै गत २४ घन्टामा थप ८ सय ८८ जना कोरोना संक्रमणमुक्त भएका छन् । योसँगै नेपालमा कोरोना संक्रमणपछि निको हुनेको संख्या २ लाख ८० हजार १ सय ६७ पुगेको छ । यो दर कुल संक्रमितको ८८ दशमलव २ प्रतिशत हो ।
हाल नेपालभर सक्रिय संक्रमितको संख्या ३४ हजार १ सय १७ रहेको छ ।
