२४ घन्टामा थपिए ४ हजार ५ सय २४ नयाँ संक्रमित, निको हुने दर ९० प्रतिशतमा झर्यो
काठमाडौं, १४ वैशाख । नेपालमा एकैदिन ४ हजारभन्दा बढीमा कोरोना भाइरसको संक्रमण पुष्टि भएको छ ।
गत २४ घन्टामा नेपालभर ४ हजार ५ सय २४ नयाँ संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार गत २४ घन्टामा जम्मा १५ हजार ६ सय ८१ कोरोना परीक्षण भएको छ । जसमा १४ हजार ६ सय ७२ आरटी पिसिआर परीक्षण गर्दा ४ हजार ३ सय ६४ र १ हजार ९ एन्टीजेन परीक्षण गर्दा १ सय ६० जनामा कोरोना पोजेटिभ देखिएको छ ।
मन्त्रालयका अनुसार नयाँ संक्रमित थपिएसँगै नेपालमा कोरोना भाइरसका कारण संक्रमित हुनेको संख्या ३ लाख ७ हजार ९ सय २५ पुगेको छ ।
यस्तै नेपालमा कोरोना संक्रमणपछि निको हुनेको संख्या २ लाचख ७८ हजार नाघेको छ ।
मन्त्रालयका अनुसार गत २४ घन्टामा ५ सय ५५ जना कोरोना संक्रमित स्वस्थ भएसँगै नेपालमा कोरोना संक्रमणमुक्त हुनेको संख्या २ लाख ७८ हजार ५ सय ६ पुगेको छ । यो दर कुल संक्रमितको ९० दशमलव ५ प्रतिशत हो ।
हाल नेपालभर सक्रिय संक्रमितको संख्या २६ हजार ९ सय २५ रहेको छ भने ५८ जना क्वारेन्टाइनमा रहेका छ्न् ।
