अर्को सूचना जारी नभएसम्मका लागि त्रिविका स्नातक र स्नातकोत्तर तहको परीक्षा स्थगित
काठमाडौं, १३ वैशाख । त्रिभुवन विश्व विद्यालय अन्तर्गत सञ्चालित सबै परीक्षाहरु तत्कालका लागि स्थगित गरिएको छ ।
त्रिवि परीक्षा सञ्चालक समितिको सोमवार बसेको बैठकले कोरोना महामारीका कारण हालकै परिस्थितिमा परीक्षा सञ्चालन गर्न नसकिने भएकाले तत्कालका लागि परीक्षा स्थगित गर्ने निर्णय गरेको हो ।
परीक्षा नियन्त्रक पुष्पराज जोशीले विश्वविद्यालयका आंगित तथा सम्बन्धन प्राप्त क्याम्पसरहरुको वार्षिक तथा सेमेष्टर प्रणालीका स्नातक एवं स्नातकोत्तर तहका विभिन्न परीक्षाहरु स्थगित गरिएको बताए ।
उनले कोरोना महामारीका कारण विभिन्न स्थानमा लकडाउन तथा निषेधाज्ञा हुँदा र जोखिम बढेको कारणले अर्को सूचना जारी नभएसम्मका लागि परीक्षा स्थगित गरिएको पनि बताए ।
Last modified on 2021-04-26 18:11:59
