वरिष्ठ हास्य कलाकार मदनकृष्ण र परिवारका अन्य सदस्य कोरोना संक्रमित
काठमाडौं, ६ वैशाख । वरिष्ठ हास्य कलाकार मदनकृष्ण श्रेष्ठ कोरोना संक्रमित भएका छन् ।
उनले सोमवार आफ्नो सामाजीक सञ्जाल फेसबुकमार्फत् आफूमा कोरोना संक्रमण देखिएको बताएका छन् ।
उनले आफूसहित परिवारका अन्य सदस्यहरुमा पनि कोरोना संक्रमण देखिएको पनि उल्लेख गरेका छन् ।
श्रेष्ठले आफूलगायत छोरा, छोरी, बुहारी र नातिनीलाई पनि कोरोना संक्रमण देखिएको भन्दै सबैलाई सचेत र सतर्क रहन आग्रह गरेका छन् ।
उनले लेखेका छन्, ‘भइसकेपछि सास्ती चाहिं हुने रहेछ, त्यसैले यो भाइरसलाई खेलाँची नगर्नुहोला । जति सकिन्छ कोरोनाबाट सतर्क रहनुहोला,’ उनले फेसबुकमा लेखेका छन् ।
यसअघि, कोरोनाको पहिलोचरणको लहरको क्रममा हास्य कलाकाल हरिवंश आचार्य र उनका श्रीमतीमा पनि कोरोना संक्रमण देखिएको थियो । हाल उनीहरु स्वस्थ भएर आफ्ना नियमित क्रियाकलापमा छन् ।
