काठमाडौं, ५ वैशाख । नेपालमा एकैदिन झन्डै ११ सय जनामा कोरोना  भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घन्टामा गरिएको ५ हजार ८४ आरटी पिसिआर परीक्षणमा १ हजार १५ र ६ सय ९९ एन्टीजेन परीक्षण गर्दा ८१ जनामा कोरोना पोजेटिभ देखिएको हो ।

मन्त्रालयका अनुसार नयाँ संक्रमित देखिएसँगै नेपालमा कोरोना भाइरसका कारण संक्रमित हुनेको संख्या २ लाख ८४ हजार ६ सय ७३ पुगेको छ ।

यस्तै गत २४ घन्टामा थप २ सय ६२ जना कोरोना संक्रमणमुक्त भएका छन् । मन्त्रालयका अनुसार हालसम्म नेपालमा कोरोना संक्रमण पछि निको हुनेको संख्या २ लाख ७५ हजार ३ सय पुगेको छ । यो दर कुल संक्रमितको ९६ दशमलव ७ प्रतिशत हो ।

हाल नेपालभर सक्रिय संक्रमितको संख्या ६ हजार २ सय ९० रहेको छ । 

Hamro Doctor