नेपालमा सक्रिय संक्रमितको संख्या बढ्दै, थपिए ६ सय ३ नयाँ संक्रमित
काठमाडौं, १ वैशाख । नेपालमा गत २४ घन्टामा थप ६ सय ३ जनामा कोरोना भाइरसको संत्र,मण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा ४ हजार २ सय ८९ आरटी पिसिआर परीक्षण गर्दा ४ सय ५१ र एन्टीजेन विधिबाट गरिएको परीक्षणमा २३ जनामा कोरोना भाइरसको संक्रमण पुष्टि भएको छ ।
मन्त्रालयका अनुसार नयाँ संक्रमित थपिएसँगै नेपालमा कोरोना भाइरसका कारण संक्रमित हुनेको संख्या २ लाख ८१ हजार ५ सय ८७ पुगेको छ ।
यस्तै गत २४ घन्टामा थप १ सय २९ जना कोरोना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या २ लाख ७४ हजार ४ सय ४७ पुगेको छ । यो दर कुल संक्रमितको ९७ दशमलव ५ प्रतिशत हो ।
हाल नेपालभर सक्रिय संक्रमितको संख्या ४ हजार ५६ रहेको छ भने ७९ जना क्वारेन्टाइनमा रहेका छन् ।
यस्तै सक्रिय संक्रमितमध्ये ४ सय ५७ जना संस्थागत आइसालेसनमा रहेका छन् भने ३ हजार ५ सय ९९ जना होम आइसोलेसनमा रहेका छन् ।
संक्रमितमध्ये ८० जना आईसीयूमा उपचाररत छन् भने २५ जनाको उपचार भेन्टिलेटरमा भइरहेको छ ।
