गत २४ घन्टामा ५ हजार १ सय ५ पिसिआर परीक्षण गर्दा ५ सय ५९ जनामा संक्रमण पुष्टि
सक्रिय संक्रमितको संख्या ३्३ सय ६ पुग्यो
काठमाडौं, ३० चैत । नेपालमा कोरोना भाइरसका कारण थप ५ सय ५९ जना संक्रमित भएका छन् ।
स्वास्थ्य तथा जनसंख्या मन्त्रालयका अनुसार गत २४ घन्टामा ५ हजार १ सय ५ पिसिआर परीक्षण गर्दा थप ५ सय ५९ जनामा कोरोना भाइरसको संक्रमण पुष्टि भएको छ ।
मन्त्रालयका अनुसार गत २४ घन्टामा ४ हजार ३ सय ७८ पिसिआर परीक्षण गर्दा ४ सय ९६ जनामा र ७ सय २७ एन्टीजेन विधिबाट परीक्षण गर्दा ६३ जनामा कोरोना संक्रमण पुष्टि भएको हो । नयाँ संक्रमित थपिएसँगै नेपालमा कोरोना भाइरसका कारण संक्रमित हुनेको संख्या २ लाख ८० हजार ५ सय २४ पुगेको छ ।
यस्तै गत २४ घन्टामा थप १ सय ३८ जना कोरोना संक्रमणमुक्त भएका छन् । मन्त्रालयका अनुसार योसँगै नेपालभर कोरोनाका कारण संक्रमित भएकामध्ये निको हुनेको संख्या २ लाख ७४ हजार १ सय ६५ पुगेको छ । यो दर कुल संक्रमितको ९७ दशमलव ७ प्रतिशत हो ।
हाल नेपालभर सक्रिय संक्रमितको संख्या ३ हजार ३ सय ६ रहेको छ भने ८५ जना मात्रै क्वारेनटाइनमा रहेका छन् ।
