नेपालमा कोरोना संक्रमितको दर दैनिक थपिँदै, निको हुने दर घट्दै
काठमाडौं, २८ चैत । नेपालमा थप ३ सय ३७ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा ३ हजार ५ सय ३२ पिसिआर परीक्षण गर्दा थप ३ सय ३७ जनामा कोरोना भाइरसको संक्रमण पुष्टि भएको छ ।
मन्त्रालयका अनुसार नयाँ संक्रमित थपिएसँगै नेपालमा कोरोना भाइरसका कारण संक्रमित हुनेको संख्या २ लाख ७९ हजार ७ सय २५ पुगेको छ ।
यस्तै गत २४ घन्टामा थप १ सय ५१ जना कोरोना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या २ लाख ७३ हजार ८ सय ८६ पुगेको छ । यो दर कुल संक्रमितको ९७ दशमलव ९ प्रतिशत हा्े ।
नेपालमा पछिल्लो समय कोरोना संक्रमित थपिने दर बढ्दै गएको छ भने निको हुने दर घट्दै गएको छ ।
हाल नेपालभर सक्रिय संक्रमितको संख्या २ हजार ८ सय रहेको छ भने गत २४ घन्टामा एक जनाको कोरोनाका कारण मृत्यु भएको छ । योसँगै नेपालमा कोरोना संक्रमणका कारण मृत्यु हुनेको संख्या ३ हजार ३९ पुगेको छ ।
