काठमाडौं, २७ चैत । सरकारले पाटन स्वास्थ्य विज्ञान प्रतिष्ठानको उपकुलपतिमा प्राडा. राजेशनाथ गंगोललाई नियुक्त गरेको छ। प्रतिष्ठानका कुलपति समेत रहेका प्रधानमन्त्री केपी शर्मा ओलीले डा. गंगोललाई शुक्रबार उपकुलपतिमा नियुक्त गरेका हुन्।

प्रधानमन्त्री ओलीले स्वास्थ्य तथा जनसंख्यामन्त्री हृदयेश त्रिपाठीको संयोजकत्वमा रहेको उपकुलपति सिफारिस समितिले गरेको सिफारिसका आधारमा डा. गंगोललाई उपकुलपतिमा नियुक्त गरेका हुन्। प्रतिष्ठानको उपकुलपतिका लागि समितिले डा. गंगोलसहित प्राडा दानबहादुर कार्की र प्राडा. अनिलकुमार मिश्रको नाम सिफारिस गरेको थियो।

डा. गंगोलको नाम एक नम्बरमा सिफारिस भएको थियो। डा. गंगोल यसअघि प्रतिष्ठानका निमित्त उपकुलपति थिए।

Hamro Doctor