गत २४ घन्टामा देशभर थपिए २ सय ८८ नयाँ संक्रमित, १ सय २७ जना स्वस्थ
काठमाडौं, २७ चैत । नेपालमा थप २ सय ८८ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा ४ हजार ७१ पिसिआर परीक्षण गर्दा थप २ सय ८८ जनामा कोरोना भाइरसको संक्रमण पुष्टि भएको हो ।
मन्त्रालयका अनुसार देशभरका विभिन्न सीमा नाकामा ६ सय २ पिसिआर परीक्षण गर्दा ५२ जनामा कोरोना संक्रमण पुष्टि भएको छ । नयाँ संक्रमित थपिएसँगै देशभर कोरोना भाइरसका कारण संक्रमित हुनेको संख्या २ लाख ७९ हजार ३ सय ८८ पुगेको छ ।
यस्तै गत २४ घनटामा १ सय २७ जना कोरोना संक्रमणमुक्त भएका छन् । योसँगै नेपालमा हालसम्म कोरोनाका कारण संक्रमित भएकामध्ये निको हुनेको संख्या २ लाख ७३ हजार ७ सय ३५ पुगेको छ । यो दर कुल संक्रमितको ९८ प्रतिशत हो ।
यस्तै हाल नेपालभर सक्रिय संक्रमितको संख्या २ हजार ६ सय १५ रहेको छ भने ८४ जना क्वारेन्टाइनमा रहेका छन् ।
गत २४ घन्टामा कोरोनाका कारण कसैको पनि मृत्यु भएको छैन भने मृत्यु हुनेको संख्या ३ हजार ३८ रहेको छ ।
