नेपालमा कोरोना संक्रमितको संख्या २ लाख ७९ हजार नाघ्यो, ९८ प्रतिशत स्वस्थ
काठमाडौं, २६ चैत । नेपालमा कोरोना भाइरसका कारण संक्रमित हुनेको संख्या २ लाख ७९ हजार नाघेको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा ४ हजार ६ पिसिआर परीक्षण गर्दा थप ३ सय ३२ जनामा कोरोना भाइरसको संक्रमण पुष्टि भएको हो ।
मन्त्रालयका अनुसार नयाँ संक्रमित थपिएसँगै नेपालमा कोरोना भाइरसका कारण संक्रमित हुनेको संख्या २ लाख ७९ हजार १ सय पुगेको छ ।
यस्तै गत २४ घन्टामा थप ७९ जना स्वस्थ भएका छन् । मन्त्रालयका अनुसार हालसम्म कोरोना भाइरसका कारण संक्रमित भएकामध्ये निको हुनेको संख्या २ लाख ७३ हजार ६ सय ८ जना स्वस्थ भएका छन् । यो दर कुल संक्रमितको ९८ प्रतिशत हो ।
हाल नेपालभर सक्रिय संक्रमितको संख्या २ हजार ४ सय ५४ रहेको छ भन ७७ जना क्वारेन्टाइनमा रहेका छन् ।
यस्तै हालसम्म नेपालमा कोरोना भाइरसको संक्रमणका कारण ३ हजार ३८ जनाको मृत्यु भइसकेको छ ।
