देशभर ३३९ जनालाई कोरोना संक्रमण, काठमाडौं उपत्यकामा मात्रै १६३ जना
काठमाडौं, २५ चैत । नेपालमा कोरोना भाइरस संक्रमण बढ्न थालेको छ । पछिल्लो २४ घण्टामा देशभर ३३९ जनालाई कोरोना पुष्टि भएको स्वास्थ्य तथा जनसंख्या मन्त्रालयका प्रवक्ता प्रा.डा.जागेश्वर गौतमलेले बताए ।
काठमाडौं उपत्यकामा मात्रै १६३ जनालाई संक्रमण पुष्टि भएको छ । काठमाडौंमा १३२, भक्तपुरमा ५ र ललितपुरमा २६ जना गरि उपत्यकामा १६३ जनालाई पुष्टि भएको छ ।
देशभरका बिभिन्न प्रयोगशालामा ४ हजार १ सय जनाको पीसीआर बिधिबाट गरिएको नमुना परीक्षणका क्रममा देशभर ३ सय ३९ जनाको कोरोना भाइरस पोजेटिभ आएको स्वास्थ्य तथा जनसंख्या मन्त्रालयले जानकारी गराएको छ । यो सँगै नेपालमा कोरोना संक्रमितको कुल संख्या २ लाख ७८ हजार ८ सय ९ पुगेको छ ।
गएको २४ घण्टामा ७४ जना संक्रमणमुक्त भई घर फर्किएका छन् । योसँगै संक्रमणमुक्त हुनेको संख्या २ लाख ७३ हजार ५ सय २९ पुगेको छ ।
देशभर सक्रिय संक्रमितको संख्या २ हजार २ सय १ रहेको छ । क्वारेनटिनमा ६५ जना रहेका छन् । नेपालमा हालसम्म कोरोना संक्रमणबाट मृत्यु हुनेको संख्या ३ हजार ३६ पुगेको छ ।
