काठमाडौं, २१ चैत । नेपालमा कोरोना संक्रमणमुक्त हुनेको संख्या २ लाख ७३ हजार नाघेको छ ।

स्वास्थ्य तथा जनसंख्या मन्त्रालयका अनुसार गत २४ घन्टामा देशभर १ सय ६१ जना कोरोना संक्रमित स्वस्थ भएका छन् । योसँगै नेपालमा कोरोना संक्रमणमुक्त हुनेको संख्या २ लाख ७३ हजार १ सय २३ पुगेको छ । यो दर कुल संक्रमितको ९८ दशमलव ३ प्रतिशत हो ।

यस्तै गत २४ घन्टामा थप १ सय २८ जनामा कोरोना संक्रमण पुष्टि भएको छ । 

मन्त्रालयका अनुसार गत २४ घन्टामा २ हजार ७ सय २७ पिसिआर परीक्षण गर्दा थप १ सय २८ जनामा कोरोना संक्रमण देखिएको हो । योसँगै नेपालमा कोरोना भाइरसका कारण संक्रमित हुनेको संख्या २ लाख ७७ हजार ७ सय ६८ पुगेको छ ।

यस्तै गत २४ घन्टामा कोरोना संक्रमणका कारण थप १ जनाको मृत्यु भएको छ । योसँगै नेपालमा कोरोना संक्रमणका कारण मृत्यु हुनेको संख्या ३ हजार ३२ पुगेको छ ।

हाल नेपालभर सक्रिय संक्रमितको संख्या १ हजार ६ सय १३ रहेको छ ।

Hamro Doctor