गत २४ घन्टामा देशभर थपिए १ सय ७९ नयाँ संक्रमित, १ सय ११ जना स्वस्थ
काठमाडौं, २० चैत । नेपालमा थप १ सय ७९ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घन्टामा ३ हजार ५ सय ६५ पिसिआर परीक्षण गर्दा १ सय ७९ जनामा कोरोना पोजेटिभ देखिएको हो ।
नयाँ संक्रमित थपिएसँगै नेपालमा कोरोना भाइरसका कारण संक्रमित हुनेको संख्या २ लाख ७७ हजार ६ सय ४० पुगेको छ ।
यस्तै गत २४ घन्टामा कोरोनाका कारण संक्रमित भएकामध्ये १ सय ११ जना स्वस्थ भएका छन् । योसँगै नेपालमा हालसम्म कोरोनाका कारण संक्रमित भएकामध्ये निको हुनेको संख्या २ लाख ७२ हजार ९ सय ६२ पुगेको छ । यो दर कुल संक्रमितको ९८ दशमलव ३ प्रतिशत हो ।
हाल नेपालभर सक्रिय संक्रमितको संख्या १ हजार ६ सय ४७ रहेको छ भने गत २४ घन्टामा कोरोनाका कारण कसैको पनि मृत्यु भएको छैन ।
यस्तै चैत ६ गतेदेखि १९ गतेसम्म विभिन्न सीमा नाकामा गरिएको एन्टिजेन परीक्षणमा ६८ जनामा पोजेटिभ देखिएको छ ।
